කිරිබත්ගොඩ නගරයේ ඉදිකිරීමට රජයට පවරා ගෙන තිබූ ඉඩමකට කූට ලේඛන සකස් කිරීම සම්බන්ධව රක්ෂිත බන්ධනාගාරගත කර සිටින සැකකරුවන් හයදෙනා අතරින් හිටපු ඇමැති මර්වින් සිල්වාට ඇප ලබා ගැනීම සඳහා දෙවන වරටත් ඉදිරිපත් කර තිබූ ඇප අයදුම්පත ප්‍රතික්ෂේප කළ මහර අංක 01 අධිකරණයේ මහෙස්ත්‍රාත් කාංචනා ද සිල්වා මහත්මිය සැකකරුවන් හය දෙනා තවදුරටත් ලබන ජුනි මස 23 වැනිදා දක්වා රක්ෂිත බන්ධනාගාරගත කර තැබීමට නියම කරනු ලැබුවාය.
ඊයේ (09දා) පස්වරුවේ මෙම නඩුව නැවත කැඳවූ අවස්ථාවේ දෙවන සැකකාර හිටපු ඇමැති මර්වින් සිල්වා වෙනුවෙන් පෙනී සිටි ජනාධිපති නීතිඥ මෛත්‍රී ගුණරත්න මහතා විසින් තම සේවාවාදායකයාට ඇප ලබාගැනීම සඳහා දෙවන වරටත් ඉදිරිපත් කරන ලද ඇප අයදුම්පත සම්බන්ධව නියෝගය පෙර ඉදිරිපත් කරන ලද අයදුම්පත් ප්‍රතික්ෂේප කළ ආකාරයටම ප්‍රතික්ෂේප කරන බව ප්‍රකාශ කරමින් මහෙස්ත්‍රාත්වරිය එම නියෝගය ලබාදෙන ලදී.
අපරාධ පරීක්ෂණ දෙපාර්තමේන්තුවේ මූල්‍ය අපරාධ විමර්ශන අංශයේ පොලිස් සැරයන් ප්‍රියන්ත ඩෙන්සිල් මහතා පැමිණිල්ල මෙහෙයවූ අතර සැකකරුවන් වෙනුවෙන් නීතිඥවරුන් වන අමිල පල්ලියගුරු, දේශාල් පෝල් හා උපුල් ගුණසේකර යන මහත්වරු පෙනී සිටියහ.
දෙල්ගොඩ – ඩබ්ලිව්.ඩී. විතාන, කැලණිය – මංගලා මදුරප්පෙරුම හා බියගම – සුදත් පුබුදු කීර්ති
