ඊශ්‍රායලය විසින් ඉරානයට ප්‍රහාර එල්ල කරමින් සිටියදී ඉරානයේ පවතින රජයට එරෙහිව වීථිවලට බැස උද්ඝෝෂණය කරන ලෙස ඉරානයෙන් පිටුවහල් කර සිටින එරට විරුද්ධ පක්ෂ ක්‍රියාකාරීන් විසින් ජනතාවගෙන් ඉල්ලා ඇති බව විදෙස් මාධ්‍ය විසින් වාර්තා කර තිබේ. කෙසේ වුවද මෙසේ රටින් පිටුවහල් කර සිටින ඉරානයේ විරුද්ධ පක්ෂ ක්‍රියාකාරීන් අතරද බෙදීමක් දක්නට ලැබෙන අතර ඇතැම් ක්‍රියාකාරීන් පවසා ඇත්තේ ඉරානය වෙනත් රටක ප්‍රහාරයට ලක්ව සිටින මොහොතක මහජන නැඟීසිටීමක් ඇති කිරීමට අකමැති බවකි.
මේ අතර ඊශ්‍රායල ප්‍රහාරයන් හමුවේ ඉරානයේ ආරක්ෂක භටයන්ගේ බලය බිඳුණු පසු රජයට එරෙහිව නැඟීසිටීම සඳහා ඉරාන දේශ සීමාවේ වාසය කරන කුර්දි හා බලුකි බෙදුම්වාදීන් විසින් සූදානමින් සිටින බව වාර්තා වී තිබේ.
යුද්ධයක් එපා… ඊශ්‍රායලයේ ජනතාවගේ හඬ
සංස්කරණය – ඒමන්ති මාරඹේ
