ඔස්ට්‍රේලියාවේ වික්ටෝරියා ප්‍රාන්තයේ මැල්බර්න් සොරොන්ටෝ නගරයට ආසන්නයේ පිහිටි යුරෝපීය ජාතික පියතුමන්ලා පවත්වාගෙන ගිය ශාන්ත මේරි මුහුදු ආරක්ෂණ දෙව්මැඳුරේ වත්මන් පාලකවරයා (මීසම් පාලක) අපේ ශ්‍රී ලාංකික පියතුමෙකි.
ඔහු ඇන්ජලෝ විජයවික්‍රම පියතුමාය. ‘භක්ති ප්‍රබෝධනය’ සඟරාවේ කර්තෘවරයා වශයෙන් කලක් සේවය කර තිබූ එතුමා ශාන්ත පීතර විද්‍යාලයේ ද සේවය කර තිබෙන ජනප්‍රිය පියතුමෙකි.
සොරොන්ටෝ හි ප්‍රසිද්ධ ශාන්ත මේරි දෙව්මැඳුරේ පාලකවරයා වශයෙන් ඇන්ජලෝ පියතුමා ක්‍රියා කිරීම ශ්‍රී ලංකාවට ද මහත් අභිමානයකි.
සොරොන්ටෝ මුහුද ආසන්නයේ අතිසුන්දර පරිසරයක පිහිටි ශාන්ත මේරි මුහුදු ආරක්ෂණ දෙව්මැඳුරේ මීසම්වාසීන් වශයෙන් හැඳින්විය හැක්කේ ඔස්ට්‍රේලියා ආණ්ඩුවේ බලධාරීන් ඉහළ නිලධාරීන් බව ඇන්ජලෝ පියතුමා සමග අප කළ කතාබහේදී අනාවරණය විය.
මෙම බැතිමතුන් සතිපතා නිවාඩු ගැනීමට සොරොන්ටෝ පැමිණෙන අතර ඔවුන් මෙම දෙව්මැඳුරේ ආගමික වතාවත්වලට සහභාගි වෙනවා. ඔවුන් සියල්ලෝම විදේශිකයෝයි.
ඇන්ජලෝ පියතුමාගේ සහායට දෙව්මැඳුරේ සේවකයකු යොදා සිටිනවා මෙහිදී අපට දැන ගැනීමට ලැබුණි.
මෙම දෙව්මැඳුර ඇතුළත ඉතා දැකුම්කළුය. අප සිටින මැල්බර්න් ඔපිසර් සිට කිලෝමීටර් සියයක පමණ දුරකතර ගෙවා අපට සොරොන්ටෝ යෑමට සිදුවිය.
● නෝමන් පලිහවඩන
