ශ්‍රී ලංකා ක්‍රිකට් සම්මාන වසරේ ක්‍රීඩකයා – කමිඳුවසරේ කාන්තා ක්‍රිකට් ක්‍රීඩිකාව – චමරී

ශ්‍රී ලංකා ක්‍රිකට් ආයතන මගින් සංවිධානය කළ ශ්‍රී ලංකා ක්‍රිකට් සම්මාන උළෙල අද (09) පස්වරුවේ කොළඹදී පැවැත් විය.

2024 වසරේ ක්‍රීඩකයින් දැක්වූ දක්ෂතා මත මෙම සම්මාන උළෙලේදී සම්මාන ප්‍රදානය කිරීමට කටයුතු යොදා තිබිණි .

මෙම සම්මාන උළෙලේදී 2024 වසරේ ක්‍රිකට් ක්‍රීඩකයාට හිමි සම්මානය කමිඳු මෙන්ඩිස් විසින් දිනා ගත්තේය . 2024 වසරේ කාන්තා ක්‍රිකට් ක්‍රීඩිකාව ලෙස සම්මානය හිමි කර ගත්තේ චමරි අතපත්තුය.
2024 වසරේ හොඳම එක්දින පිතිකරු සම්මානය දිනා ගත්තේ පැතුම් නිස්සංකය . එම වසරේ හොඳම එක්දින පන්දු යවන්නා ලෙස වනිඳු හසරංග සම්මානය දිනාගත්තේය.
2024 වසරේ හොඳම එක්දින තුන් ඉරියව් ක්‍රීඩකයා ලෙස සම්මානය දිනා ගත්තේ , චරිත් අසලංක ය . එම වසරේ හොඳම 20යි 20 පිතිකරු ලෙස කුසල් මෙන්ඩිස් සම්මානය දිනාගත්තේය.

2024 වසරේ හොඳම 20යි 20 පන්දු යවන්නා සහ තුන් ඉරියව් ක්‍රීඩකයා ලෙස සම්මාන දිනා ගත්තේ වනිඳු හසරංගය.

මේ අතර 2024 වසරේ හොඳම ටෙස්ට් පිතිකරු ලෙස කමිඳු මෙන්ඩිස් සම්මානය දිනා ගත් අතර එම වසරේ හොඳම ටෙස්ට් පන්දු යවන්නා ලෙස ප්‍රභාත් ජයසූරිය සම්මානය දිනා ගත්තේය.

හොඳම ටෙස්ට් තුන් ඉරියව් ක්‍රීඩකයා වූයේ ධනංජය ද සිල්වාය.

වසරේ නැගී එන ක්‍රීඩකයා සම්මානය දිනාගත්තේ ලෙස ජනිත් ලියනගේය.

ශ්‍රී ලංකා ක්‍රිකට් සම්මාන උළෙලේදී ශ්‍රී ලංකා කාන්තා කණ්ඩාමේ නායිකා චමරි අතපත්තු 2024 වසරේ හොඳම 20යි 20 පිතිකාරිණිය, පන්දු යවන්නිය සහ තුන් ඉරියව් ක්‍රීඩිකාව ලෙස ද සම්මාන දිනාගත්තාය.

එමෙන්ම 2024 වසරේ එක්දින පිතිකාරිණිය සහ තුන් ඉරියව් ක්‍රීඩිකාව ලෙසද සම්මාන දිනාගත්තේ චමරී අතපත්තුය .
කවීෂා දිල්හාරි 2024 වසරේ හොඳම එක්දින පන්දු යවන්නිය සම්මානය දිනා ගත්තාය.