පසු ගිය දින කිහිපය පුරා පැවති අයහපත් කාලගුණ තත්ත්වය හේතුවෙන් දිස්ත්‍රික් 14ක ප්‍රාදේශීය ලේකම් කොට්ඨාස 140ක පවුල් 2,757කට අයත් පුද්ගලයින් 10,270 දෙනෙකු පීඩාවට පත්ව තිබේ . ආපදා කළමනාකරණ මධ්‍යස්ථානය පවසන ආකාරයට , ඒ දින කිහිපයේ පැවති අධික වර්ෂාපතනය හේතුවෙන් , මේ වන විට දිවයින පුරා පිහිටි ජලාශ කිහිපයක වාන් දෙරටු කිහිපයක් ද විවෘත කර ඇත . ඊයේ උදෑසන 8.00 වන විට අධික වැසි සහ සුළං හමුවේ දිවයින පුරා විදුලි බිඳ වැටීම් 55,940ක් වාර්තා වූ බව ලංකා විදුලි බල මණ්ඩලය පවසයි.ඊයේ සවස් වනවිට ඉන් 31 % පමණ ප්‍රමාණයක් අවසන් කර තිබිණි . පසුගිය පැය 36ක කාලය තුළ මෙම පැමිණිලි ලැබී ඇති බවත් එම පැමිණිලිවලින් රැසක් මේ වන විටත් පිළිසකර කර අවසන් කර ඇති බව ත් ලංකා විදුලි බල මණ්ඩලය පවසයි . තවද අඛණ්ඩව විදුලි බලය ලබා දීම සඳහා කණ්ඩායම් පැය 24 පුරා සේවයේ යෙදී සිටින බවත් එම මණ්ඩලය පැවසීය.
දිස්ත්‍රික්ක 14 ක පවුල් 2,757 ක් පීඩාවට විදුලි බල සේවකයෝ 24 පැයම වැඩ
