“කරුණාකර එය උල්ලංඝනය නොකරන්න.” – ඩොනල්ඩ් ට්‍රම්ප්
ඉරානය සහ ඊශ්‍රායලය අතර පූර්ණ සටන් විරාමයක් සඳහා එකඟ වී තිබේ යැයි අමෙරිකානු ජනාධිපති ඩොනල්ඩ් ට්‍රම්ප් අද ( 24 ) ප්‍රකාශ කලේය
සිය ට්වීටර් ගිණුමෙහි සටහනක් තබමින් අමෙරිකානු ජනාධිපතිවරයා ඒ බව සඳහන් කර තිබිණි .එහෙත් , ඊශ්‍රායලය සහ ඉරානය සටන් විරාම ගිවිසුමකට එකඟ වූ බවට අමෙරිකානු ජනාධිපති ඩොනල්ඩ් ට්‍රම්ප් සිදුකරන ප්‍රකාශ ඉරානය මුළුමනින්ම ප්‍රතික්ෂේප කර තිබේ.
සටන් විරාම ගිවිසුමක් ක්‍රියාත්මක නොවන නමුත් ඊශ්‍රායලය ප්‍රහාර නතර කළ හොත් පමණක් ඔවුන්ට ප්‍රහාර එල්ල කිරීම නතර කළ හැකි යැයි ඉරාන විදේශ අමාත්‍ය අබ්බාස් අරාග්චි සිය ට්විටර් ගිණුමෙහි හි සටහනක් තබමින් පවසා තිබිණි .
ඉරානය සහ ඊශ්‍රායලය සම්පූර්ණ සටන් විරාම ගිවිසුමකට එළඹ ඇති බවට ඩොනල්ඩ් ට්‍රම්ප්ගේ ප්‍රකාශයන් ඔහු එහිදී ප්‍රතික්ෂේප කර තිබිණි .
ඊශ්‍රායලය සිය ගුවන් ප්‍රහාර එරට වේලාවෙන් අලුයම 4 ට නතර කළහොත් ඉරානය ද සිය ප්‍රහාර නවත්වන බව ඉරාන විදේශ අමාත්‍යවරයා කියා තිබේ .
අමෙරිකානු ජනාධිපතිවරයා සඳහන් කර තිබුණේ , ඉදිරි පැය 6ක කාලය තුළ එම සටන් විරාමය ආරම්භ වනු ඇති බව ත් , මැදපෙරදිග යුද්ධය ඉදිරි පැය 24 තුළ නිල වශයෙන් අවසන් වන බව ත්ය .
එමෙන් ම , ඊශ්‍රායලය සහ ඉරානය අතර සටන් විරාමය මේ වනවිට ක්‍රියාත්මක බව ද අමෙරිකානු ජනාධිපති ඩොනල්ඩ් ට්‍රම්ප් අවධාරණය කර තිබේ .
“කරුණාකර එය උල්ලංඝනය නොකරන්න.” යනුවෙන් ඔහු එහි වැඩිදුරටත් සඳහන් කර තිබේ .
