එංගලන්තය නියෝජනය කළ විශිෂ්ට ක්‍රිකට් ක්‍රීඩකයෙකු වන ඩේවිඩ් ලෝරන්ස් ( David ‘Syd’ Lawrence ) මියගොස් තිබේ .
හෙතෙම පළමු බ්‍රිතාන්‍ය කළු ජාතික ක්‍රිකට් ක්‍රීඩකයාය .මියයන විට ඩේවිඩ් ලෝරන්ස් 61 වැනි වියෙහි පසු විය .
වසරක කාලයක් තිස්සේ නියුරෝනමය රෝගයකින් පීඩා විඳි ලෝරන්ස් ඊයේ ( 22) ජීවිතය හැරගිය බව ඔහුගේ පවුලේ ඥාතීන් ප්‍රකාශ කර තිබිණි .
මෝටර් නියුරෝන රෝගය (MND) යනු මාංශ පේශි දුර්වල වීමට හේතුවන සහ මොළයට සහ ස්නායු වලට බලපාන රෝගී තත්ත්වයකි.
ලෝරන්ස් එංගලන්තය වෙනුවෙන් ටෙස්ට් තරග පහකට ක්‍රීඩාකර ඇති අතර ග්ලෝස්ටර්ෂයර්හිදී වසර 16ක තරග දිවිය තුළ සමස්ත තරග 280කදී කඩුලු 625ක් දවාගෙන තිබේ .
ලෝරන්ස් 1988 වසරේ ලෝඩ්ස් පිටියේදී ශ්‍රී ලංකාවට එරෙහිව සිය මංගල ටෙස්ට් තරගයේදී කඩුලු තුනක් දවාගැනීමට සමත් විය.
නවසීලන්තයට එරෙහි තරගයකට ක්‍රීඩා කරමින් සිටින විට ඇති වූ බරපතල දණහිසේ ආබාධයක් හේතුවෙන් ඔහුගේ වෘත්තීය ජීවිතය පසුව සීමාවිය.
ඔහු 1997 දී ප්‍රාන්ත ශූරතා තරඟ හතරකට ක්‍රීඩා කළේය . ඉන් පසුව ජාතික මට්ටමේ ක්‍රිකට් තරඟ වලට ඔහු ක්‍රීඩා කර තිබුණේ නැත .
ජූනි මස මුලදී කිංග්ස් බර්ත්ඩේ ගෞරව උළෙලේදී ඔහු ( MBE – Member of the Order of the British Empire ) බ්‍රිතාන්‍ය අධිරාජ්‍යයේ අනුපිළිවෙලෙහි සාමාජිකයෙකු ලෙස නම් කරන ලදී.
