ඓතිහාසික රුහුණු මහා කතරගම දේවාලයේ එළැඹෙන ඇසළ මංගල්‍යය ලබන 26 වැනි දින රාජ්‍ය අනුග්‍රහය මත ආරම්භ කෙරේ.
මෙවර ඇසළ මංගල්‍යය ජනාධිපති අනුර කුමාර දිසානායක මහතාගේ උපදෙස් මත සිදු කිරීමට පියවර ගෙන ඇති බව බුද්ධ ශාසන හා ආගමික කටයුතු නියෝජ්‍ය ඇමැති ගමගෙදර දිසානායක මහතා පැවසීය. ඇසළ මංගල්‍යය සම්බන්ධයෙන් ඉදිරි වැඩසටහන් දියත් කිරීම පිණිස ඇමැතිවරයා පෙරහැර සංවිධානය කිරීමේ නිලධාරීන් හා විහාරාධිපති හිමිවරුන් හමුවීය.
ලොව ඇති එකම සර්ව ආගමික කේන්ද්‍රස්ථානය ලෙස පත්ව ඇති කතරගම පුද පෙරහැර ලංකාවේ පැවැත්වෙන පැරණීම පෙරහැර හා කෙටිම දුරක් විදී සංචාරය කරන පූජනීය පෙරහැරකි. දුටුගැමුණු රජ දවසේ පටන් අඛණ්ඩව වසර 2281ක් වතාවක් වාර්ෂිකව මේ දක්වා පෙරහැර පවත්වා ගෙන ගොස් තිබේ.
කතරගම – කේ.ඩී. දේවප්‍රිය
