මෙම වසරේ (2025) ගතවූ මාස 5 1/2 තුළ සිදුවූ මාරක රිය අනතුරු 1003කින් පුද්ගලයන් 1062 දෙනකු මරුමුවට පත්ව ඇතැයි පොලිස් මාධ්‍ය ප්‍රකාශක බුද්ධික මනතුංග මහතා ‘දිවයින’ට පැවසීය.
බරපතළ තුවාල සිදුවූ රිය අනතුරු 2064ක් මෙම කාලසීමාව තුළ සිදුව ඇති බවත් ඉන් පුද්ගලයන් 7000කට ආසන්න සංඛ්‍යාවක් බරපතළ තුවාල ලබා ඇති බවත් ඒ මහතා කීය.
මෙම රිය අනතුරු බොහොමයකට හේතුව රියැදුරන්ගේ හා පදිකයන්ගේ නොසැලකිලිමත්කම බව ද පොලිස් මාධ්‍ය ප්‍රකාශකවරයා කියා සිටියේය.
දිනකට දිවයිනේ රිය අනතුරු 60කට අධික සංඛ්‍යාවක් සිදුවන බවත් එම අනතුරුවලින් දිනකට පුද්ගලයන් 08 දෙනකු පමණ මියයන බවත් ඒ මහතා වැඩිදුරටත් පැවසීය.
ප්‍රදීප් ප්‍රසන්න සමරකෝන්
