Wednesday, 2 Jul 2025
Divaina | Breaking Sri Lanka News & Top Stories in Sinhala
ePaper
  • විගස පුවත්
  • ප්‍රධාන පුවත්
  • ප්‍රාදේශීය පුවත්
  • Videos
  • විශේෂාංග
    • ඉරිදා සංග්‍රහය විශේෂාංග
    • අකුරු දි​ගේ
    • නැකත
    • මීවිත
    • සංචාරේ
  • අතිරේක
  • ක්‍රී​ඩා
  • ගණුදෙනු ලොව
  • තවත්…
    • විදෙස්
    • කතුවැකි
    • කාටූ​න්
    • Classified Ads
Reading: මත්ද්‍රව්‍ය ජාවාරමකට විරුද්ධව පොලිසියට ඔත්තු දුන්නැයි මාංචු දමා දණ ගස්සවා කහවත්තේ තරුණයකු මරලා
Divaina | Breaking Sri Lanka News & Top Stories in Sinhala
Wednesday, 2 Jul 2025
Divaina | Breaking Sri Lanka News & Top Stories in Sinhala
ePaper
  • විගස පුවත්
  • ප්‍රධාන පුවත්
  • ප්‍රාදේශීය පුවත්
  • Videos
  • විශේෂාංග
    • ඉරිදා සංග්‍රහය විශේෂාංග
    • අකුරු දි​ගේ
    • නැකත
    • මීවිත
    • සංචාරේ
  • අතිරේක
  • ක්‍රී​ඩා
  • ගණුදෙනු ලොව
  • තවත්…
    • විදෙස්
    • කතුවැකි
    • කාටූ​න්
    • Classified Ads
Reading: මත්ද්‍රව්‍ය ජාවාරමකට විරුද්ධව පොලිසියට ඔත්තු දුන්නැයි මාංචු දමා දණ ගස්සවා කහවත්තේ තරුණයකු මරලා
Divaina | Breaking Sri Lanka News & Top Stories in Sinhala
  • විගස පුවත්
  • ප්‍රධාන පුවත්
  • ප්‍රාදේශීය පුවත්
  • Videos
  • විශේෂාංග
  • ඉරිදා සංග්‍රහය විශේෂාංග
  • නැකත
  • අකුරු දි​ගේ
  • මීවිත
  • අතිරේක
  • ක්‍රී​ඩා
  • ගණුදෙනු ලොව
  • විදෙස්
  • කතුවැකි
  • කාටූ​න්
  • Classified Ads
Search
  • ePaper
  • විගස පුවත්
  • ප්‍රධාන පුවත්
  • ප්‍රාදේශීය පුවත්
  • Videos
  • විශේෂාංග
  • ඉරිදා සංග්‍රහය විශේෂාංග
  • අකුරු දි​ගේ
  • නැකත
  • මීවිත
  • අතිරේක
  • ක්‍රී​ඩා
  • ගණුදෙනු ලොව
  • විදෙස්
  • කතුවැකි
  • කාටූ​න්
  • Classified Ads
Follow US
© 2025 Upali Newspapers (Pvt) Ltd.
ප්‍රධාන පුවත්

මත්ද්‍රව්‍ය ජාවාරමකට විරුද්ධව පොලිසියට ඔත්තු දුන්නැයි මාංචු දමා දණ ගස්සවා කහවත්තේ තරුණයකු මරලා

July 2, 2025
820 Views

නිවුන් සොහොයුරා පැනගොස් දිවි බේරාගනී

කහවත්ත පොලිසියෙන් බව පවසමින් 06 දෙනෙක් ඇවිත්

වෙඩි තිබ්බේ ‘ඩුබායි අමිත’ගේ ඕඩරයකට

පොලිස් නිලධාරීන් බව පවසා දෑත්වලට මාංචු දමා තරුණයන් දෙදෙනකු පැහැරගෙන ගොස් කහවත්ත ඇන්දාන ප්‍රදේශයේදී පෙරේදා (30 වැනිදා) රාත්‍රි මහමග දණ ගස්සවා එක් තරුණයකුගේ හිසට වෙඩි තබා ඝාතනය කර අනෙක් තරුණයාට වෙඩි තබා තුවාල කර ඇත්තේ “ඩුබායි අමිත” නමැති මත්ද්‍රව්‍ය ජාවාරම්කරු පාතාල කුලී ඝාතකයන් පිරිසකට ලබා දුන් මුදල් කොන්ත්‍රාත්තුවක් මත බව විමර්ශනවලින් හෙළිවී ඇත.

ඩුබායි අමිත ඇතුළු සහචරයන් විසින් සිදුකරන මත්ද්‍රව්‍ය ජාවාරම් සම්බන්ධයෙන් පොලිසියට ඔත්තු ලබාදුන් බව කියමින් මෙම තරුණයා ඝාතනය කර ඇති බවද අනාවරණය වී තිබේ.

කුලී ඝාතකයන් විසින් මරා දමන ලද තරුණයාගේ වැඩිමහල් සොහොයුරා ද ඝාතනය කිරීමට උත්සාහ කර ඇතත් ඔහු ඔවුන්ගෙන් මිදී පලා ගොස් දිවි ගලවාගෙන ඇති බව කහවත්ත පොලිසිය පවසයි.

මෙහිදී ඝාතනයට ලක්ව ඇත්තේ කහවත්ත බුංගිරිය ප්‍රදේශයේ පදිංචිව සිටි ඉමන්ත සුරන්ජන නමැති 22 හැවිරිදි තරුණයෙකි. කුලී ඝාතකයන්ගේ වෙඩි ප්‍රහාරයට ලක්ව පාදයකට සිදුවූ තුවාල හේතුවෙන් කහවත්ත රෝහලට ඇතුළත් කළ තරුණයා ඝාතනයට ලක්වූ තරුණයාගේ සමීප මිතුරෙකි.

ඝාතනයට ලක්වූ තරුණයා මැණික් පතල්වල රැකියාව කරන අයෙකි. ඩුබායි අමිත නමැති මත්ද්‍රව්‍ය ජාවාරම්කරු ඩුබායි රාජ්‍යයේ සැඟවී සිටිමින් රත්නපුරය කහවත්ත ඇතුළු ප්‍රදේශ ගණනාවකට මත්ද්‍රව්‍ය බෙදාහැරීමේ ජාවාරම මහාපරිමාණයෙන් කරගෙන යන බව පොලිසිය පවසයි.

මෙම ජාවාරම්කරුවන්ගෙන් කීපදෙනකු මීට මාස කීපයකට පෙර කහවත්ත පොලිසිය මගින් අත්අඩංගුවට ගත් අතර ඔවුහු මේ වනවිටත් බන්ධනාගාරගත කර සිටිති.

මෙම වැටලීම සඳහා පොලිසියට ඔත්තු ලබා දුන්නේ පෙරේදා රාත්‍රියේ ඝාතනයට ලක්වූ තරුණයා සහ ඔහුගේ සොහොයුරා බව කියමින් ඩුබායි අමිත් ඔවුන්ට දිගින් දිගටම දුරකථනයෙන් කතා කර මරණීය තර්ජනය කර ඇත.

ඝාතනයට ලක්වූ තරුණයා සහ ඔහුගේ සොහොයුරා පෙරේදා රාත්‍රි සිය මිතුරා වන ප්‍රසාද් මධුසංකගේ නිවස වෙත පැමිණ තිබේ. ඔවුන් තිදෙනා නිවස පිටුපස දුම්පානය කරමින් සිටියදී රාත්‍රි 9.45 ට පමණ ජීප් රථයක් පැමිණ ඇත.

තමන් කහවත්ත පොලිසියෙන් බව පවසමින් එහි කඩාවැදුණු පුද්ගලයන් 06 දෙනකු මෙම තරුණයන් තිදෙනා අල්ලාගෙන තිබේ.

ඒ අවස්ථාවේ ඝාතනයට ලක්වූ තරුණයාගේ වැඩිමහල් සොහොයුරා එම ස්ථානයෙන් පැන දිවගොස් දිවි ගලවාගෙන ඇත.

“තොපි කුඩු බිස්නස් කරනවා. කහවත්තෙ පොලිසියේ ඕඅයිසී මහත්තයා තමයි අපිව එව්වෙ තොපි අල්ලගෙන එන්න කියලා. ඒ නිසා කලබල නොකර ජීප් එකට නැගපියව්” කියමින් එසේ පැමිණි පුද්ගලයන් තරුණයන් ජීප් රථයට දමාගෙන තිබේ.

තරුණයන් දෙදෙනා එකට සිටුවා ඔවුන්ට එක් මාංචුවක් දැමූ සන්නද්ධ පිරිස ජීප් රථය කහවත්ත කලංසූරියගම ප්‍රදේශයට රැගෙන ගොස් ඇත. එහිදී ජීප් රථයෙන් බිමට බැස්සවූ තරුණයන් දෙදෙනා මහමග දණ ගස්සවා එක් තරුණයකුගේ හිසට මිලිමීටර් 9 වර්ගයේ පිස්තෝලයකින් වෙඩි තබා ඔහු ඝාතනය කර ඇත.

පසුව අනෙක් තරුණයාගේ පාදයකට වෙඩි තබා බරපතළ තුවාල කළ කුලී ඝාතකයන් ජීප් රථයේ නැග පලා ගොස් තිබේ.

මෙම සිද්ධියෙන් පසුව එම ස්ථානය වෙත පැමිණි ඥාතීන් සහ ප්‍රදේශවාසීන් මාංචු දමා එකට අමුණා සිටි ඝාතනයට ලක්වූ තරුණයාගේ මාංචුව කපා දමා අනෙක් තරුණයා මුදාගෙන ඔහුව කහවත්ත රෝහලට යැවීමට කටයුතු කර ඇත. කුලී ඝාතකයන් මෙම තරුණයන් දෙදෙනා පැහැරගෙන යද්දී දුරකථනයෙන් ඩුබායි අමිතට කතා කර වීඩියෝ ඇමතුමක් ලබාගෙන ඝාතනයට ලක්වූ තරුණයා ඔහුට පෙන්වා ඇත.

එහිදී ඩුබායි අමිත “ඌ තමයි මිනිහා” යනුවෙන් පවසා ඇති අතර එම හඳුනා ගැනීමෙන් අනතුරුව කුලී ඝාතකයන් 22 හැවිරිදි තරුණයා පමණක් ඝාතනය කර තිබේ. ඔත්තු ලබාදීමට සම්බන්ධ නැති තරුණයාගේ පාදයකට වෙඩි තබා තුවාල කිරීමට කටයුතු කර ඇති බව පොලිසිය පවසයි. පලාගිය ඝාතකයන් අත්අඩංගුවට ගැනීමට පොලිස් කණ්ඩායම් 4ක් විමර්ශන ආරම්භ කර ඇත.

ඝාතනයට ලක්වූ තරුණයාගේ මව වන රේණුකා මනතුංග මහත්මිය මෙසේ කීවාය. මාගේ කොල්ලෝ දෙන්නාම මරන්නයි මේ පිරිස හැදුවේ. නිවුන්නු දෙන්නාගෙන් කෙනෙක් පැන ගොස් සැඟවුණ නිසා එක් කෙනෙක් බේරුණා. ජංගම කහවත්ත පොලිසියට මේ මත්කුඩු ප්‍රශ්නය ගැන අපි කියා තිබුණත් කිසිම දෙයක් කළේ නැහැ. අන්තිමට මාගේ දරුවෙක් නැතිවුණා. කහවත්ත පොලිසිය මාගේ දරුවාගේ මරණයට වගකිව යුතුයි.

දැන් සමහරු මාගේ මියගිය පුතාට අපහාස කරනවා එයා කුඩුවලට සම්බන්ධ බවට. අනේ ඒ අපහාසය නම් කරන්න එපා. පුතා කිව්වේ කුඩු නිසා ගම විනාශ වෙනවා කියලා. හොඳට ඉගෙන ගත්ත, ක්‍රීඩාවට දක්‍ෂ පුතා පොලිසියේ රැකියාවකට යෑමට උත්සාහ කළා. එයාට සහතික මිටි ගණන් තිබෙනවා. දැන්වත් මාගේ පුතාට සාධාරණය ඉටුකරන්න යැයි තරුණයාගේ මව හඬා වැටෙමින් කියා සිටියාය.

තරුණයන් දෙදෙනා රැගෙන ගිය පිරිස එම නිවසේ ජංගම දුරකථනයක්ද රැගෙන ගොස් තිබේ. තරුණයා ඝාතනය කිරීමට පෙර පාර අයිනේ දණ ගස්සවා තිබූ සලකුණු ද දක්නට තිබූ අතර වෙඩි තැබීමෙන් පසුව අඩි දහයක් දුරට රුධිරය ගලාගෙන ගොස් තිබිණි.

හේමන්ත රන්දුණු, නෝමන් පලිහවඩන,
කහවත්ත – එල්. නිරෝෂණ, රක්වාන – ගයාන් තිලකරත්න

Share This Article
Facebook Whatsapp Whatsapp Telegram Copy Link Print
Ad image
Trending News

සිසුන් 6000ක් සමඟ ප්‍රශ්න වැලක පැටලුණු රටේ හොඳම පිරිමි පාසල

June 29, 2025

දරුවනේ ප්‍රවේශම් වෙන්න

June 27, 2025

සංදර්ශන සඳහා නඩු කැඳවන්නේ නැහැ – කබ්රාල් ඇතුළු පිරිසකට එරෙහිව ග්‍රීක බැඳුම්කර නඩුව කල් තබමින් මහාධිකරණ විනිසුරු කියයි

June 27, 2025

සිකුරු වෘෂභයට

June 29, 2025

හිගයකට බියෙන් ඉන්ධන ගබඩා කළ නිවස ගිනිගනී

July 1, 2025
Related News
ප්‍රධාන පුවත්

රේගුවට හොරෙන් ගෙන්වූ සුපිරි රියකට අංක තහඩුව දීමට අනුමැතිය දුන්නැයි RMV හිටපු කොමසාරිස් ජනරාල් ඇතුළු 3ක් රිමාන්ඩ්

ප්‍රධාන පුවත්

විනයගරුක යහපත් සමාජයක් ගොඩනැඟීමට මහා සංඝරත්නයට විශාල දායකත්වයක් ලබා දිය හැකියි – ජනාධිපති අනුර කුමාර දිසානායක ගල්නෑවේ පැවති රාමඤ්ඤ මහා නිකායේ උපසම්පදා මහෝත්සවයේදී කියයි

ප්‍රධාන පුවත්

අධිවේගී මාර්ගවල යන වාහනවල මගීන්ටත් ආසන පටි පැලඳීම අනිවාර්ය වෙයි

ප්‍රධාන පුවත්

92 පෙට්‍රල්, සුදු ඩීසල් හා භූමිතෙල් මිල ඉහළට

ප්‍රධාන පුවත්

ජපන් සමාගම ඉවත් වූ කොළඹ ඩොක්යාර්ඩ් බහුතර කොටස් ඉන්දීය සමාගමක් මිලදී ගනී

logo2.png

“දිවයින” 1981 වසරේ දී ආරම්භ වූ වසර ගණනාවක ඉතිහාසයකට හිමිකම් කියන ජාතික පුවත්පතකි. ජාතියේ ස්වභාවය, සංස්කෘතිය හා ජනමතය සනාථ කරමින්, සත්‍යය සහ වගකීම මූලික කරගත් මාධ්‍ය සන්නාමයකි. Divaina.lk හරහා අපි ඔබට සෘජු, විශ්වාසනීය පුවත් වාර්තාකරණයක් සහ විශ්ලේෂණාත්මක විශේෂාංග ලබාදෙමින්, ඩිජිටල් යුගයේ ප්‍රවෘත්ති සැපයුම ලබා දෙන්නෙමු.

Postal Address:
Upali Newspapers Private Limited
No. 223, Bloemendhal Road,
Colombo 13

More About Us

Contact Us

Editorial

  • +94 112 331 688
  • [email protected]

For Advertising

  • +94 777 489 091
  • +94 714 543 001
  • [email protected]

For Inquiries

  • +94 112 497 500

Our Publications

Upali Newspapers (Private) Limited © 2025 All Rights Reserved.

Facebook Instagram Youtube Tiktok