ජපන් ගුවන් සේවයට අයත් බෝයිං 737 යානයක් පියාසර කරමින් සිටියදී පසුගිය 30 වැනිදා එරට වේලාවෙන් සවස 6.53ට පමණ හදිසියේම අඩි 26,000ක් පහළට වැටී ඇති බව විදෙස් මාධ්‍ය වාර්තා කරයි.
ගුවන් යානය යාන්ත්‍රික දෝෂයක් හේතුවෙන් මිනිත්තු 10ක කාලයක් ඇතුළත ආසන්න වශයෙන් අඩි 36,000 සිට අඩි 10,500ක් දක්වා වේගයෙන් පහත වැටී ඇත.
චීනයේ ෂැංහයි සිට ජපානයේ ටෝකියෝ දක්වා ගමන් කරමින් තිබූ මෙම යානය හදිසියේම මෙසේ පහළට වැටීම නිසා එහි ගමන් කළ මගීන්ට ඔක්සිජන් මුහුණු ආවරණ පැළඳීමට ද සිදුව තිබේ.
එමෙන්ම මෙම යානයේ මගීන් 191 දෙනෙකු ගමන් කර ඇති බවත් සඳහන්ය.
