කොලඹ වරායේ තිබූ තදබදය අවසන් කරමින් ආනයන බහලුම් නිශ්කාශන කටයුතු රේගුව විසින් සම්පූර්ණයෙන්ම අවසන් කර ඇත.
අතිරේක රේගු අධ්‍යක්ෂ ජනරාල් , රේගු මාධ්‍ය ප්‍රකාශක සීවලී අරුක්ගොඩ පවසන්නේ පසුගිය දිනවල ඇති ව තිබූ තදබදය සහ ප්‍රමාදය මේ වෙන විට සම්පූර්ණයෙන්ම අවසන් ව ඇති බව ය .
” පසුගිය දිනවල අපි දුටුවා , බහලුම් නිශ්කාශන කටයුතුවලදී යම් කිසි අතිරේක කාලසීමාවක් ගන්න සිඳුවුණා . ඊට හේතුව ආනයන බහලුම් ප්‍රමාණය ඉහළ යාම . දිනකට 1200ක් වගේ ප්‍රමාණයක් ලැබුණු ආනයන බහලුම් , සමහර දිනවලදී වලදී 2900 දක්වා ඉහළ ගියා. මේ නිසා නිතැතින්ම ඒවා කටයුතු අවසන් කරලා නිදහස් කිරීමට අතිරේක කාලයක් ගන්නට ශ්‍රී ලංකා රේගුවට සිදුවුණා. කෙසේ වෙතත් අද උදෑසන වන විට මේ ප්‍රමාදය සම්පූර්ණයෙන්ම අවසන් වෙලා තියෙනවා. කොළඹ වරායේ නිදහස් කිරීම සඳහා තිබුණු සියළුම බහලුම් රේගුව නිශ්කාශන කටයුතු අවසන් කර තිබෙනවා .අද උදෑසන වන විටඒ කටයුතු අවසන් කළා .
දැන් අපි කරන්නේ ඉදිරියට එන බහලුම් , මේ ලැබෙන විදිහට නිශ්කාශන කටයුතු සිදු කරගෙන යෑම යි . “
අතිරේක රේගු අධ්‍යක්ෂ ජනරාල් , රේගු මාධ්‍ය ප්‍රකාශක – සීවලී අරුක්ගොඩ වැඩි දුරටත් සඳහන් කරන්නේය .
