ඊයේ (08 ) වෙඩි ප්‍රහාරයකට ලක් වූ කොලොම්බියානු ජනාධිපති අපේක්ෂක සෙනෙට් සභික මිගුවෙල් උරිබේගේ තත්ත්වය තවමත් බරපතළ බව විදෙස් මාධ්‍ය වාර්තා කර තිබේ .
ඔහුගේ ශරීරයට එල්ල වූ වෙඩි ප්‍රහාර 3 ක් අතුරින් 2ක්ම ඔහුගේ හිස පෙදෙස එල්ලකර නිකුත්වී තිබේ .වඩාත් සංකීර්ණ තත්ත්වයක් මතු කර ඇත්තේ එම වෙඩි ප්‍රහාර බව එම මාධ්‍ය වාර්තා කර තිබේ .
මිගුවෙල් උරිබේ වෙඩි ප්‍රහාරයට ලක්වූයේ කොලොම්බියාවේ බොගෝටා අගනුවර පැවති මැතිවරණ ප්‍රචාරක රැළියකදීය .එම වෙඩි තැබීමට සැක පිට අත්අඩංගුවට ගෙන ඇත්තේ 15 හැවිරිදි යෞවනයෙකි .
ජනාධිපති ධුරය සඳහා තරග කරන 39 හැවිරිදි මිගුවෙල් උරිබේ කොලොම්බියානු හිටපු ජනාධිපති අල්වාරෝ උරිබේ විසින් ආරම්භ කරන ලද විපක්ෂ කොන්සර්වේටිව් ප්‍රජාතන්ත්‍රවාදී පක්ෂයේ සාමාජිකයෙකි .
