ශ්‍රී ලංකාව සහ බංග්ලාදේශය අතර අද ( 05 ) පැවැති දෙවන එක් දින තරගයෙදී ලකුණු 16 කින් ජය ගැනීමට බංග්ලාදේශ කණ්ඩායම සමත් විය .
බංගලාදේශ කණ්ඩායම කාසියේ වාසිය දිනා පළමුව පන්දුවට පහර දී , පන්දුවාර 45කුත් පන්දු 5ක් අවසානයේ සියල්ලන් දැවී ලකුණු 248ක් ලබාගත්තේය .
බංග්ලාදේශ කණ්ඩායමේ පර්වේස් හොසෙයින් ඔමන් ( Parvez Hossain Emon ) පන්දු 69කදී ලකුණු 67ක්ද, තවුහිද් හ්රිදොයි ( Towhid Hridoy ) පන්දු 69කදී ලකුණු 51ක්ද රැස්කර ගත්තෝය .
මෙම තරඟයේදී පර්වේස් හොසෙයින් ඔමන්, සිය පළමු එක්දින අර්ධ ශතකය වර්තා කළේය .
ශ්‍රී ලංකා කණ්ඩායම වෙනුවෙන් පන්දු යැවූ අසිත ප්‍රනාන්දු පන්දුවාර 09ක් යවා ලකුණු 35කට කඩුලු 04ක්ද වනිඳු හසරංග පන්දුවාර 09කුත් පන්දු 05ක් තුළ එක් නිලකුණු පන්දුවාරයක්ද යවමින් ලකුණු 60කට කඩුලු 03ක් දවා ගැනීමට සමත් විය .
පිළිතුරු ඉනිම ක්‍රීඩා කිරීමට පිටියට පිවිසි ශ්‍රී ලංකා කණ්ඩායම වෙනුවෙන් පන්දුවට පහරදීමේදී ජනිත් ලියනගේ පන්දු 85ක් තුළ ලකුණු 78ක්ද, කුසල් මෙන්ඩිස් පන්දු 31කදී වේගවත් ලකුණු 56ක්ද රැස්කර ගත්තේය .
බංග්ලාදේශ කණ්ඩායම වෙනුවෙන් පන්දු යැවීමේදී Tanvir Islam පන්දුවාර 10ක් යවා නිලකුණු පන්දුවාර 2ක් සමගින් ලකුණු 39කට කඩුලු 05ක් දවා ගැනීමට සමත් වූ අතර එය ඔහු විසින් එක්දින තරගයක් තුල කඩුලු 05ක් දවා ගත් පළමු අවස්ථාවයි.
මීට අමතරව තන්ශිම් හසන් සකිබ් (Tanzim Hasan Sakib ) පන්දුවාර 04කුත් පන්දු 5ක් තුළ ලකුණු 34කට කඩුලු 2ක් දවා ගත්තේය .
පිළිතුරු ඉනිම ක්‍රීඩා කිරීමට පැමිණි ශ්‍රී ලංකා කණ්ඩායමට පන්දුවාර 48 පන්දු 5ක් තුළ සියලු දෙනා දැවී ලබාගත හැකි වුයේ ලකුණු 232 කි .
තරග තුනකින් සමන්විත එක්දින තරගාවලියේ මේ වන විට දෙපිලම 1-1ක් ලෙස සම තත්වයේ පසුවන අතර දෙරට අතර පැවැත්වෙන තරග තුනකින් සමන්විත එක්දින තරගාවලියේ තුන්වන සහ අවසන් තරගය මහනුවර පල්ලෙකැලේ ක්‍රීඩාංගනයේදී ලබන 08 වැනිදා මෙරට වෙලාවෙන් පස්වරු 2.30ට පැවැත්වීමට සැලසුම් කර තිබේ .
