දෙස් විදෙස් විශාල ජනතාවක් සහභාගීවන වාර්ෂික කතරගම ඇසල මහා පෙරහැර මංගල්‍යය මෙවරත් හෙට (26) සිට ආරම්භ කරනු ලබනවා. ඉතින් ලෝකවාසී සියළුම දෙනාගෙන් අප ඉල්ලා සිටිනවා කිරිවෙහෙර සෑ රදුන් වදින්න එද්දීලකතරගම දෙවි හාමුදුරුවන් වදින්න එද්දී ඔබ රැගෙන එන පොලිතින් ආදි කැළි කසල තැන තැන බැහැර කරලා මේ පුදබිම අපවිත්‍ර කරන්න එපා යැයි කතරගම කිරිවෙහෙර රජමහා විහාරාධිපතිලරුහුණු මාගම් පත්තුවේ ප්‍රධාන සංඝනායක කොබවක ධම්මින්ද නා හිමියන් සියළු දෙනාගෙන් ඉල්ලා සිටියහ.
උන්වහන්සේ මාධ්‍ය වෙත විශේෂ ප්‍රකාශයක් කරමින් අද (25දා) මේ බව පැවසූ අතර එහිදී උන්වහන්සේ වැඩිදුරටත් මෙසේද පැවසූහ.
මේ ඇසල පෙරහැර මංගල්‍යෙය්දි ඔබ විවිධ පළාත්වල සිට මේ කතරගම පුදබිමට පැමිණෙන්නේ මහත් වු ශ්‍රද්ධාවකින් හා බැතියකින්ඔබ රැගෙන ආ පොලිතින් ආදී කැළි කසල පුදබිමේ විවිධ ස්ථානවලට බැහැර කරලා මේ පුදබිම අපවිත්‍ර කරලා යනවා කියන්නේ ඔබ කතරගමට ඇවිත් සිදුකල පිංකම් වලින් ආශිර්වාදයක් ගන්න පුළුවන් වෙන එකක් නෑ.
මෙවර කතරගම වාර්ෂික ඇසල පෙරහැර මංගල්‍යය හෙට සිට ජූලි මස 10 වන දින දක්වා පැවැත්වෙනවා. එම පිංකමට සමගාමීව කිරිවෙහෙර සෑ රදුන් ඉදිරිපිට පවත්වන සති පිරිසත් පිංකම ජූලි 02 දින සිට 08 වන දින දක්වා පවත්වනු ලබනවා. මේ සදහා සියළු ජනතාවට එක්වන්න කියලා ආරාධනා කරන ගමන්ම යළිත් මම සිහිපත් කරන්නේ පුදබිම අවට සෑම ස්ථානයකම කසළ බැහැර කරන්න ස්ථාන වෙනම ස්ථාපනය කරලා තියෙනවා.
