ඊශ්‍රායලයේ ශ්‍රී ලාංකිකයන්ට නිවේදනයක්

ඉරාන – ඊශ්‍රායල යුද ගැටුම හේතුවෙන් මේ වන විට එරට තුළ උත්සව පැවැත්වීම් සහ ඒකරාශී වීම් සම්බන්ධයෙන් පනවා ඇති තහනම ඉතා ඉක්මනින් ඉවත් කිරීමට කටයුතු යොදමින් සිටින බව එරට ශ්‍රී ලංකා තානාපති කාර්යාලය පවසයි.දැනට පවතින සටන් විරාම ගිවිසුම ආරක්‍ෂා කිරීමට දෙරටම කැප වෙන බව ප්‍රකාශ කොට ඇති පසුබිමක අද (25) සිට ඊශ්‍රායලයේ සිට ජාත්‍යන්තර ගුවන් ගමන් නැවත ආරම්භ කිරීමට හැකිවනු ඇතැයිද ඊශ්‍රායලයේ ශ්‍රී ලංකා තානාපති නිමල් බණ්ඩාර මහතා පවසයි.⁣ටෙල් අවිව් වෙත පැමිණෙන ගුවන් ගමන් පිළිබඳව හෝ ටෙල් අවිව් ගුවන් තොටුපලේ තත්වය පිළිබඳ දැනගැනීමට තානාපති කාර්යාලය අමතන මෙන් නිමල් බණ්ඩාර මහතා ඉල්ලා සිටි.එසේම දැනට ශ්‍රී ලංකාවේ රැඳී සිටින පිරිස් යළි ඊශ්‍රායලය වෙත පැමිණීමට තම ගුවන් ටිකට් පත් පිළිබඳ විස්තර අදාල විදේශ රැකියා ආයතන මගින් විමසන ලෙස තානාපති කාර්යාලය ඉල්ලා සිටි.