ඉන්දීය – එංගලන්ත ටෙස්ට් තරගාවලිය
තරග 5කින් සමන්විත ඉන්දීය – එංගලන්ත ටෙස්ට් තරගාවලියේ පළමු තරගයේ ජය ලබා ගැනීමට සත්කාරක එංගලන්තයට හැකියාව ලැබුණි.
ඒ එංගලන්තය ඉන්දියාව පරදා කඩුලු 5ක ජයක් අත්කර ගනිමිනි.
මෙම ටෙස්ට් තරගය ලෝක ටෙස්ට් තරගාවලියට සමගාමීව පැවැත්වේ. මේ තරගාවලිය එංගලන්තයේ දී පැවැත්වේ.
පළමුවෙන්ම පන්දුවට පහර දුන් ඉන්දීය කණ්ඩායම මුල් ඉනිමට ලකුණු 471 ක් ලබාගත් අතර එම ලකුණු 471 ට ඉන්දීය කණ්ඩායමේ ශතක ත්‍රිත්වයක් ලබා ගැනීමට හැකියාව ලැබුණි. එම ශතක ලබාගත්තේ යසස්වි ජයිස්වාල්, ශුබ්මන් ගිල් සහ රිෂාබ් පාන්ට්ය. ඉන්දියාව පළමු ඉනිමට ලබාගත් 471 ට පිළිතුරු ලෙස එංගලන්ත පළමු ඉනිමට ලබාගත හැකිවූයේ ලකුණු 465ක් පමණි. ඒ අනුව ලකුණු 6ක් පළමු ඉනිමේ ඉදිරියෙන් සිටිමින් ඉන්දියා දෙවැනි ඉනිම ඇරඹූ අතර, එහිදී ඉන්දියාවට ලබාගත හැකිවූයේ ලකුණු 364ක් පමණි. ඉන්දියාවේ දෙවැනි ඉනිමේත් ශතක හිමිකම් කියන්නට රිෂාබ් පාන්ට්ට සහ කේ. එල්. රාහුල්ට හැකියාව ලැබුණි. ඒ අනුව එංගලන්තයට ජයග්‍රහණය සඳහා ලකුණු 371 ක ඉලක්කයක් හිමිවූ අතර එම ඉලක්කය එංගලන්තයට කඩුලු 05 ක් පමණක් දැවී ලබා ගැනීමට හැකියාව ලැබුණි.
ජයග්‍රහණය සඳහා සිය දෙවැනි ඉනිමේදී එංගලන්තයේ බෙන් ඩක්ට් සහ සෑක් ක්‍රෝවිල් ලකුණු 188ක සබඳතාවක් ගොඩනැඟුවේ පළමු කඩුල්ල වෙනුවෙනි. ඒ අනුව එංගලන්තයට කඩුලු 5 ක ජයක් ලබාගැනීමට හැකියාව ලැබුණි.
කෙසේ වෙතත් ඉන්දියාවට තරගයේ ශතක 5ක් ලබාගත්තත් තරගය ජය ගැනීමට නොහැකි වීමත් විශේෂත්වයකි.
තරගයේ වීරයා සම්මානය බෙන් ඩක්ට හිමිවූ අතර ඒ ඔහු ලබාගත් ලකුණු 149 ක සුපිරි ඉනිම නිසාවෙනි.
සුසිල් ජයකොඩි
