බන්ධනාගාර දෙපාර්තමේන්තුවට අයත් අත්විලංගු යුගලයක් මහනුවර දළදා වීදිය ප්‍රදේශයේ නවාතැන්පළක දමා ගිය කැලණිය පොලිසියේ පොලිස් සැරයන්වරයකු පෙරේදා (05දා) අත්අඩංගුවට ගත් බව මහනුවර මූලස්ථාන පොලිසිය පවසයි.
අදාළ පොලිස් සැරයන්වරයා මහනුවර මහෙස්ත්‍රාත් අධිකරණයට ඉදිරිපත් කිරීමෙන් පසු අද (07දා) දක්වා රක්ෂිත බන්ධනාගාරගත කර තිබේ.
මාසයකට අධික කාලයක් එම අත්විලංගු යුගලය බෑගයක දමා නවාතැන්පළේ දමා ගොස් තිබූ බව පොලිස් විමර්ශනවලදී හෙළිවී ඇත.
එම නවාතැන්පළේ කළමනාකරු බෑගය පරීක්ෂා කර බැලීමේදී එම අත්විලංගු යුගලය හමුවීමෙන් අනතුරුව එය පොලිසියට භාරදීමට කටයුතු කර ඇත.
අනතුරුව පොලිසිය සිදු කළ විමර්ශනවලදී එය කැලණිය පොලිසියේ සැරයන්වරයකු විසින් දමා ගොස් ඇති බවට හෙළිවූ බව පොලිසිය කියයි.
රජයේ දේපළක් සාවi පරිහරණය හා අවභාවිතා කිරීම සම්බන්ධයෙන් මෙම පොලිස් කොස්තාපල්වරයා මහනුවර පොලිසිය මගින් අත්අඩංගුවට ගෙන ඇති අතර මහනුවර කොට්ඨාස භාර පොලිස් අධිකරි අනුරුද්ධ බණ්ඩාරනායක මහතාගේ උපදෙස් පරිදි වැඩිදුර විමර්ශනය සිදු කෙරේ.
ප්‍රදීප් ප්‍රසන්න සමරකෝන් සහ ධම්මික සල්වතුර
