වෑන් රථයක හුඩ්රැක් එකේ බැමි බුරුල් වීම නිසා එය තද කර ගැනීමට කටයුතු කරද්දී වේගයෙන් ධාවනය වූ ලොරි රථයක් එම වෑන් රථයේ හැපී ජීවිත දෙකක් බිලිගෙන තිබේ. වෑන් රථයේ හුඩ්රැක් එක සකසමින් සිටි 11 වැනි ශ්‍රේණියේ ඉගෙනුම ලැබූ දුන්ගාල්පිටිය විදුහලේ දීප්තිමත් ශිෂ්‍යයකු වන ටී. එම්. සාරංග (15) ද මෙම සිද්ධියෙන් ජීවිතක්‍ෂයට පත්ව තිබේ.
මෙම ලොරි රථයේ හැපුණු සාරංගගේ සීයාගේ සොහොයුරකු ද මරණයට පත්ව තිබේ.
තම පවුලේ අය සමග ජූලි 2 වැනිදා පැවැත්වෙන මංගල්‍යයට සහභාගි වීම සඳහා තලවිල දේවස්ථානයට පඬුරු ඔප්පු කිරීමට යන අවස්ථාවේ මෙම ඛේදවාචකයට ඔවුන් ගොදුරුවී තිබේ.
නොරොච්චෝලේ, දළුව ප්‍රදේශයේදී මෙම අනතුර සිදුව ඇත. නොරොච්චෝල පොලිසිය වැඩිදුර පරීක්ෂණ පවත්වයි. ලොරි රථය පැදවූ රියැදුරු නොරොච්චෝලේ පොලිසිය මගින් අත්අඩංගුවට ගැනුණි.
දුන්ගාල්පිටිය – ජූඩ් හෙට්ටිආරච්චි
