රටේ නිදහසට, ප්‍රජාතන්ත්‍රවාදයට සහ ඒකීයභාවයට එල්ල වී ඇති අනතුරට එරෙහිව කටයුතු කිරීම සඳහා විපක්ෂය සමග එක්ව කටයුතු කළත් එක්සත් ජාතික පක්ෂය හෝ සමගි ජන බලවේගය සමග දේශපාලන සන්ධානයක් ගොඩනැගීමට කටයුතු නොකරන බව ශ්‍රී ලංකා පොදුජන පෙරමුණේ මහලේකම් නීතිඥ සාගර කාරියවසම් මහතා ‘දිවයින ඉරිදා සංග්‍රහය’ට පැවසීය.
ඒ පිළිබඳව තවදුරටත් අදහස් දක්වමින් ඒ මහතා සඳහන් කර සිටියේ දේශපාලනමය වශයෙන් වෙනස් ප්‍රතිපත්තීන් අනුගමනය කරන එම දේශපාලන පක්ෂ සමග සන්ධානයක් ගොඩනැගීමට අවස්ථාවක් නොමැති බවයි. කොළඹ නගර සභාව සඳහා විපක්ෂයෙන් ඉදිරිපත් කරන අපේක්ෂකයාට ශ්‍රී ලංකා පොදුජන පෙරමුණේ සහයෝගය ලබාදෙන බවත් පැවසූ කාරියවසම් මහතා විපක්ෂයේ සහයෝගය ඇතිව තවත් පළාත් පාලන ආයතන කිහිපයකට ශ්‍රී ලංකා පොදුජන පෙරමුණේ සභාපතිවරුන් පත්කිරීමට අපේක්ෂා කරන බවත් පැවසීය.
එරික් ගාමිණී ජිනප්‍රිය
