ප්‍රජාතන්ත්‍රවාදය ගැන කතා කරන ජා.ජ.බ. විසින් ස.ජ.බ. කොළඹ සහ නගර සභාවේ ජයග්‍රහණය වළක්වන්න තුන්වන පාර්ශ්වයක් භාවිත කරන බව හිටපු පළාත් සභා මන්ත්‍රී නිරෝෂන් පාදුක්ක මහතා පැවසීය.
ස.ජ.බ. ප්‍රධාන කාර්යාලයේ ඊයේ (13දා) පැවති මාධ්‍ය හමුවේදී වැඩිදුරටත් අදහස් දැක් වූ ඒ මහතා මෙසේද කීය.
කොළඹ ත්‍රීවිලර් සංගමයක් පවත්වාගෙන යන චාල්ස් නැමැති පුද්ගලයාට යම් යම් චෝදනා තිබුණ නිසා 2023 පැවැත්වීමට නියමිතව තිබූ පළාත් පාලන මැතිවරණය සඳහා ස.ජ.බ. තරග කිරීමට ඔහුට අවස්ථාවක් ලබාදීමට ස. ජ.බ. කටයුතු කළේ නෑ. එමෙන්ම එවකට
බොරැල්ලේ සංවිධායක ලෙස කටයුතු කළ අභාප්‍රාප්ත වූ ජයන්ත සිල්වා මහතා ද ඔහුට නාමයෝජනා ලබාදීම ප්‍රතික්ෂේප කර තිබුණා. කෙසේ නමුත් මේ වන විට කොළඹ ත්‍රීවිලර් සංගමයක් කරන එම පුද්ගලයා ජ.වි.පෙ. සමග දේශපාලන කටයුතුවල නියැලී සිටිනවා. ඒ වගේම කොළඹ මහ නගර සභාවේ සභාපති රිසා සාරූක් නොවන බව මාධ්‍ය හමු පවත්වා ප්‍රකාශ කරන ලෙස ජ.වි.පෙ. තමාට ප්‍රකාශ කළ බවත් ඒ සඳහා ජ.වි.පෙ. තමන්ට ස්තුති කරන බවත් ඒ වෙනුවෙන් ජ.වි.පෙ. තමන්ට උදව් උපකාර කරන බවටත් වන හඬ පටයක් අප වෙත ලැබී තිබෙනවා. කෙසේ නමුත් ප්‍රජාතන්ත්‍රවාදය පිළිබඳව, පිරිසිදුභාවය පිළිබඳව කතාකරන, විනිවිදභාවය පිළිබඳව කතා කරන ජා.ජ.බ. කොළඹ මහ නගර සභාවේ ජයග්‍රහණය නවත්වන්න තුන්වන පාර්ශ්වයක් භාවිත කරන ආකාරය මෙයින් පැහැදිලි වෙනවා.
ඒ වගේම කොළඹ මහ නගර සභාවේ මිලියන 459 ක ගනුදෙනුවක් සම්බන්ධයෙන් විගණකාධිපති කාර්යාලය පරීක්ෂණයක් පවත්වා තිබෙනවා. ඒ වගේම විගණකාධිපතිවරයා මෙම ගනුදෙනුවේ සිටි පුද්ගලයන්ට අධි භාරයක් නිකුත් කර තිබෙනවා. එලෙස අධිභාරයක් නිකුත් කළ පුද්ගලයන්ගේ නම් ඇතුළත් ලැයිස්තුවේ
ජා. ජ.බ. කොළඹ මහ නගර සභාවේ සභකයෙක් ගේ නමක් තිබෙනවා. කෙසේ නමුත් මොන කුමන්ත්‍රණය සිදුකරන්න උත්සහ කළත් කොළඹ මහ නගර සභාවේ බලය ස.ජ.බ. ප්‍රමුඛ පොදු සන්ධානය විසින් අනිවාර්යෙන්ම පිහිටුවනවා.
