විශාල නාසයක් සහිත බළලෙකු පිළිබඳ පුවතක් උතුරු අයර්ලන්තයෙන් වාර්තා වේ.
මේ ලොකු නාසයක් සහිත මෙම බළලා උතුරු අයර්ලන්තයේ බළලුන් බේරා ගැනීමේ පුණ්‍යායතනයක ජීවත් වන අතර පුසාගේ නම බාර්නි වේ.
මේ පුණ්‍යායතනයේ භාරකාර ලින්සි ජෝන්ස් පැවසුවේ බළලාගේ නාසයේ ප්‍රමාණය දැක ඇය කම්පනයට පත් වූ බවයි. “බළලා සම්පූර්ණයෙන්ම නිරෝගී බව පෙනේ. ඔහු ඉතා හොඳින් කනවා. ඔහුගේ නාසයෙන් තරලය ගෙන පරීක්ෂණ සඳහා යවා ඇත. පිළිකාවක කිසිදු සලකුණක් නොමැත” යැයි ඇය පැවසුවාය.
“මේ පුසාට ක්‍රිප්ටොකොකස් නම් ආසාදනය තිබෙන අතර ඔහුට ඒ සඳහා ප්‍රතිකාර කරනු ලැබේ. අපි දින හතක් ඖෂධය ලබා දෙන්නෙමු. පසුව අපි දින හතක් නතර කරමු. ඔබට වෙනස පෙනෙනු ඇත. ඔහු ඉතා සන්සුන් කුඩා පූසෙකි. ඔහු අද්විතීය චරිතයකි” යනුවෙන් ද ඇය පැවසුවාය.
චතුර පමුණුව
