අකුරණ ප්‍රාදේශීය සභාවේ බලය පිහිටුවීඹට සමගි ජන බලවේගය ප්‍රමුඛ විපක්ෂයට හැකිව තිබේ.
ඒ අනුව එම සභාවේදී අද (12) උදෑසන පැවති ඡන්ද විමසීමේ දී වැඩි ඡන්ද තුනකින් සජ බ ඉස්තිහාර් ඉමාදුදීන් මහතා සභාපතීත්වයට පත්වූ බව මධ්‍යම පළාත් පාලන කොමසාරිස් චමිලා අතපත්තු මහත්මිය නිවේදනය කළාය.
අකුරණ ප්‍රාදේශීය සභාවට සභිකධුර 30ක් හිමිව තිබූ අතර අද දින එක් අයෙකු පැමිණ සිටියේ නැත. ඒ අනුව සභිකයින් 29 දෙනෙකු ඡන්දය භාවිත කළේය.
සභාපති ධුරය සඳහා ජාතික ජන බලවේගයෙන් තාරික් අලී මහතා ඉදිරිපත් වූ අතර ඔහු ඡන්ද 13ක් හිමි කරගත්තේය.
මේ අතර උපසභාපති ධුරය සඳහා පොදුජන පෙරමුණේ චමින්ද තිලකරත්න මහතා ඡන්ද 18ක් හිමි කරගනිමින් පත්වූ අතර ජාතික ජන බලවේගයේ වසන්ත කුමාර මහතා හිමිකර ගනු ලැබුවේ ඡන්ද 11ක් පමණි.
